Лоиҳаи пешгирии зӯроварии хонаводагӣ

Главная

2 bcc bcc bcc bcc bcc bcc 4 5 6

Хабарҳо

 Маҷлиси якуми Гурӯҳи кории назди Вазорати Маориф ва Илми ҶТ
Маҷлиси якуми Гурӯҳи кории назди Вазорати Маориф ва Илми ҶТ
28 сентябри соли 2017 дар иморати филиали ҷумҳуриявии муассисаи давлатии   Донишкадаи такмили ихтисоси ВМваИ (ш. Душанбе) ҷамъомади аввалини Гурӯҳи корӣ оид ба тақвияи нақши муассисаҳои таълимӣ дар ташаккули маданияти муносибатҳои бидуни зӯроварӣ  дар оила ва байни ҳамсолони назди Вазорати Маориф ва Илми Ҷумҳури Тоҷикистон баргузор гардид. Дар маҷлиси гурӯҳи корӣ намояндагони вазорат ва сохторҳои зердасти он, Кумитаи Кор бо Занон ва Оила, Маркази Саломатии Репродуктивии Аҳолӣ, ташкилотҳои ҷамъиятӣ, ва ҳамчунин коршиносони миллӣ ва байналхалқии соҳаи муқобилат ба зӯроварӣ дар оила иштирок намуданд.  Дар рафти он ҷанбаҳои баланд бардоштани нақши мактаб дар ташаккули маданияти муносибатҳои бидуни зӯроварӣ дар оила ва берун аз он дар байни ҷавонон, аз ҷумла ба воситаи беҳтар намудани методҳои таълими фанни ҳатмии мактабӣ “Маданияти муносибатҳои оилавӣ” муҳокма карда шуданд ва таҷрибаи дигар давлатҳо дар ин соҳа омӯхта шуданд.  Лоиҳаи PDV, ки аз тарафи филиали GOPA дар Тоҷикистон бо ёрии молиявии Ҳукумати Швейтсария амалӣ карда мешавад, ба шартномаи оид ба пешгирии зӯроварӣ дар оила дар Ҷумҳурии Тоҷикистон байни лоиҳаи PDV ва ВМваИ баимзорасида (11.01.2017) такя намуда, ба гузаронидани маҷлисҳои гурӯҳи корӣ кӯмаки коршиносӣ (экспертӣ) ва техникӣ пешниҳод намуд.
Анҷумани гурӯҳҳои кории байнисоҳавӣ оид ба пешгирии зӯроварӣ дар оила аз Вилояти Хатлон
Анҷумани гурӯҳҳои кории байнисоҳавӣ оид ба пешгирии зӯроварӣ дар оила аз Вилояти Хатлон
21-22 сентябри соли 2017 дар шаҳри Қурғонтеппа бо дастгирии Ҳукумати Вилояти Хатлон ва мусоидати лоиҳаи  PDV дар Ҷумҳурии Тоҷикистон якумин Анҷумани гурӯҳҳои кории байнисоҳавӣ оид ба пешгирии зӯроварӣ дар оила дар Вилояти Хатлон бахшида ба «Қадамҳои аввалини ҳамкории байнисоҳавии барасмиятдаровардашуда дар сатҳи маҳаллӣ дар соҳаи пешгирии зӯроварӣ дар оила – мубодилаи таҷрибаҳои мусбӣ ва имкониятҳо барои фаъолияти минбаъда” баргузор гардид. Дар ин анҷуман аъзоёни 10 гурӯҳи кории байнисоҳавии махсусе, ки соли 2017 бо супориши Ҳукумати Вилояти Хатлон ва ҳамчунин Ҳукуматҳои як қатор ноҳияҳо (Хуросон, Ҳамадонӣ, Бохтар, Балхӣ, Сарбанд, Вахш, Шаҳритуз, Панҷ) ташкил шудаанд ва барои татбиқи Барномаи давлатӣ оид ба пешгирии зӯроварӣ дар оила барои солҳои 2014-2023 дар Ҷумҳурии Тоҷикистон маъсул мебошанд,  иштирок намуданд. Аъзоёни даҳ гурӯҳи корӣ-намояндаҳои сохторҳо\муассисаҳои гуногуни давлатии территориявиӣ (ва субъектҳои татбиқи Қонун дар бораи пешгирии зӯроварӣ дар оила) ва ташкилотҳои ҷамъиятӣ имконият пайдо карданд, ки дар бораи фаъолияташон дар соҳаи муқобилат ба зӯроварӣ дар оила дар моҳҳои охир дар минтақаҳои худ маълумот диҳанд ва ҳамчунин, фаъолиятҳои пешакиро барои Нақшаи фаъолияти гурӯҳҳои кории байнисоҳавӣ оида ба татбиқи Барномаи давлатии пешгирии зӯроварӣ дар оила барои соли 2018 кор карда бароянд.    
Тренингхои июл-август
Тренингхои июл-август
Қисми муҳими марҳилаи нӯҳуми Лоиҳаи пешгирии зӯроварии хонаводагӣ (ЛПЗХ\PDV) дар Ҷумҳурии Тоҷикистонро, ки бо кӯмаки молиявии ҳукумати Швейтсария амалӣ шуда истодааст,  фаъолиятҳо оид ба пурзӯр намудани иқтидори касбии тамоми мутахассисоне, ки ба кори мубориза зиддӣ зӯроварӣ дар хонавода ҷалб мебошанд, ташкил медиҳанд. Ин мутахассисон намояндагони сохторҳои давлатӣ-субъектҳои татбиқи қонун “Дар бораи пешгирии зӯроварӣ дар оила”, ҳамчунин пешвоёни дин, раисони кумитаҳои маҳаллӣ, рӯзноманигорон ва ҷомеаи шаҳрвандӣ дар шаҳри Душанбе ва ноҳияи Хатлон мебошанд.    

Ҳамин тариқ, аз 07 то 09 августи соли 2017 дар иморати Маркази ҷумҳуриявии таълимию клиникии тибби оилавӣ дар назди Вазорати тандурустӣ ва ҳифзи иҷтимоии аҳолӣ омӯзиши се рӯза барои тренерон (ТоТ) бо иштироки коршиноси байналхалқӣ аз Молдова гузаронида шуда буд.  Ҳамагӣ 22 мутахассис аз ҷумлаи духтурони оилавӣ,  акушер-гинекологон ва коршиносони судӣ-тиббӣ омӯзонида шуда буданд.  Дар давоми омӯзиш ҷабҳаҳои зӯроварӣ дар оила ва таъсири он ба масъалаи тандурустии ҷамъиятӣ, нақши коркуни тиббӣ дар вокуниш ва пешгирии зӯроварии хонаводагӣ,  қонунҳо ва санадҳои меъёрии ҳуқуқӣ дар алоқа бо ёрӣ ба ҷабрдидагони зӯроварии хонаводагӣ ва ҳифзи онҳо, ҳуқуқҳои ҷабрдидагон аз зӯроварӣ,  маълум кардани ҳодисаҳои зӯроварӣ дар оила, аломатҳои зӯроварии хонаводагӣ муфассал дида баромада шуданд.  Диққати махсус ба усули муомила бо ҷабрдидагон аз зӯроварӣ дар оила дода шуда буд. Ин усул, пеш аз ҳама, манфиатҳои ҷабрдидагонро ба назар мегирад  ва дар риояи ҳуқуқҳои инсон асос ёфтааст.  Ҳамчунин масъалаҳои муоинаи тиббӣ, контрасепсияи таъҷилӣ,  пешгирӣ ва муолиҷаи бемориҳои бо роҳи алоқаи ҷинсӣ  гузаранда, пешгирии ВНМО, муолиҷаи иллатҳои латхӯрӣ ва кӯмаки равонӣ ба ҷабрдидагон аз зӯроварии хонаводагӣ дида баромада шуданд. Қисми ниҳоии омӯзиш ба бахаритагирии хизматрасониҳо дар сатҳи маҳаллӣ ва коркарди системаи маҳалии бозравонкунӣ бахшида шуда буд.

Мутахассисоне, ки дар ин омӯзиш иштирок доштанд,  аз 14 август то 16 сентябр ба ҳайси тренерон як қатор чунин омӯзишҳоро барои 250 мутахасисон аз шаҳри Душанбе ва ноҳияҳои пилотии лоиҳа пеш мебаранд.  

Аз 29 июл то 12 август дар ноҳияҳои пилотии Вилояти Хатлон ва шаҳри Душанбе барои 200 нафар афсарон ва нозирони милитсия омӯзишҳо оид ба зӯроварии хонаводагӣ дар мавзӯи “Дастур барои ташкили кори мақомотҳои ҳифзи ҳуқуқ дар пешгирӣ, бартарафкунӣ ва вокуниш ба ҳодисаҳои зӯроварии хонаводагӣ” гузаронида шуда буданд.  Барномаи омӯзиш мавзӯҳои муайян намудани зӯроварӣ дар оила ва намудҳои он, принсипҳои кории мақомотҳои ҳифзи ҳуқуқ ва салоҳиятҳои онҳо дар пешгирӣ, бартарафкунӣ ва вокуниш ба ҳодисаҳои ЗХ ва ҳамчунин системаи бозравонкунии ҷабрдидагони зӯроварии хонаводагро дар бар гирифт.